Plantun de Prouvènço

Pèr coumpara dos planto d'encò nostre

Cerastium fontanum & Eschscholzia californica

Cerastium fontanum

Caryophyllaceae

Nom en français : Céraiste des fontaines.

Descripcioun :
Es uno planto pelouso emé de long entre-nous. Li fueio soun bèn verdo, pulèu larjo e pelouso peréu. Pòu viéure uno annado, dos o mai. Li petalo soun gaire mai long que li sepalo, aquésti soun bourda d'uno membrano que laisso passa lou lume. Coumpara emé lis àutri ceraiste pelous pèr pas s'engana. I'a uno souleto subsp. encò nostre : la subsp. vulgare.

Usanço :
Li jóuini fueio soun manjadisso, mai couneissèn pas d'usanço particuliero au nostre. Lis indian Chirokee emplegavon uno tisano de tijo e racino contro li vèrme.

Port : Erbo
Taio : 5 à 50 cm
Fueio : óupousado
Tipe bioulougico : Camefite
Cicle bioulougico :

Gènre : Cerastium
Famiho : Caryophyllaceae

Ordre : Caryophyllales

Coulour de la flour : Blanco
Petalo : 5
Ø (o loungour) flour : 8 à 12 mm
Flourido : Printèms - Estiéu - Autouno

Sòu : Ca
Autour basso e auto : 0 à 2600 m
Aparado : Noun
Mars à óutobre

Liò : Prado umido - Tepiero umido - Ribo d'aigo
Estànci : Mesoumediterran à Mountagnard
Couroulougi : Subrecousmoupoulito
Ref. sc. : Cerastium fontanum Baumg., 1816

Pavot(-de-Califournìo)

Eschscholzia californica

Papaveraceae

Nom en français : Pavot de Californie.

Descripcioun :
Lou pavot-de-Califournìo se rescontro d'aqui e d'eila dins lis escoumbre e lis ermas proche d'oustau. Es un poulit pavot fourestié emé de gràndi flour jauno o aranjado e de fueio que dounon d'èr à-n-aquéli di fumo-terro. Lou fru (boursèu) se raprocho de li de l'erbo-dóu-faiò.

Usanço :
Estènt un pavot, a d'usanço proche de Papaver somniferum, pamens en mens fort (e sa culturo es autourisado). Es un remaiso doulour, ajudo à dourmi e èi bon contro lis ànçi. Ei bessai manjadis, coume lis àutri pavot, mai n'en sabèn pas rèn.